N’o ye Ɛligasimu Wani ye, ONU sekeretεri zenerali tɔgɔlamɔgɔ Mali kɔnɔ, ni MINUSIma ɲεmɔgɔba fana don. Mali kɔkankow ni diɲε tɔnbaw cε koɲεnabɔ minisiriso ka ciden Dr Madu Jalo tun b’a kεnε kan, ka fara minisiriɲεmɔgɔ ka baarakεjεkulu mɔgɔ caman wεrε kan.
Tuma min na ɲɔgɔnye in kuncεra, ONU tɔgɔlamɔgɔ in y’a jira kunnafonidilaw la, ko a tun nanen bε kumaɲɔgɔnya kε minisiriɲεmɔgɔ fε MINUSIMA taali hukumu kɔnɔ ka bɔ Mali la, ka kεɲε ni o bεnkan sariya 2690 ye. A ɲininna MINUSIMA ka Mali bila pewu yanni san 2023 in desanburkalo tile 31 ka tεmεn.
A ka fɔ la, a tun tε ɲε n’a ma na Mali faamaw hakilila ɲinin MINUSIMA taali an’a bolofεnw kεcogo kan taali in kɔnɔna na. O ko ninnu bε se ka kε basigi kɔnɔ cogo min na. fɔcogo wεrε la, MINUSIMA bɔli bε kɔlɔsi Malidenw ka nafa kama. A bε dabɔ kεcogo ɲuman ka se ka sɔrɔ bɔli la yanni sarati dalen ka dafa, fo ka tεmεn. A k’o tɔgɔ duman bε Mali kan, a bε ONU kan, a b’u fila cε jεɲɔgɔnya fana kan. Tεmεn bε se ka kε n’o jεɲɔgɔnya min ye don nataw la.
ONU ka basigi sabatili ciw bolofara ɲεmɔgɔba Atulu Keyiri donna Mali kɔnɔ yan dɔgɔkun tεmεnnen in na. Jamana minnu ka mɔgɔw bε yan MINUSIMAko la, a n’o lasigidenw ye lajε kε utikalo tile 4. O kun tun ye ka kumaɲɔgɔnya kε n’u ye MINUSIMA taaliko la ka bɔ Mali kɔnɔ yanni san 2023 in desanburukalo tile 31 ka tεmεn. A ye foli ni tanuni lase o jamanaw ma u kεli la ka mɔgɔw di MINUIMAko la. Ka laban k’a ɲinin u fε, u fana k’u seko jira bɔli in kεcogo ɲuman na. MINUSIMA bolofεnw bεna bila bolo min kan, a y’o fana dantigε u ye. N’o ye dagayɔrɔ minnu jɔra ka baarakεminεnw k’u kɔnɔ, pankurun minnu bε ka ɲinin jama labɔli kama ani ONU yεrε bεna jɔ jɔda min na lafiya sɔrɔli la diɲε kɔnɔ nin kɔfε.
Ɛligasimu Wani y’a jira, ko ONU bεna tεmεn ni lafiya sɔrɔli waleyaw ye, hali ni MINUSIMA ye Mali bila.
Rédaction Lessor
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
