Dɔgɔkun damadɔ yanni MINUSIMA dagayɔrɔ min bε Kidali, o ka latεmεn Mali sɔrɔdasiw ma, fɔɲɔgɔnkɔ cayalen don. Sanga ni waati bεε la, sɔrɔdasiw ni kojugubakεlaw bε kari ɲɔgɔn na Anefisi mara kɔnɔ Kidali masurunnaw na.
Mali sɔrɔdasiw ɲεmɔgɔso ye laseli kε, k’a jira k’u ye pankrun ta nεgε kanɲε 14 waati la, ka taa kojugubakεjεkulu dɔ bon Anefisi dafε, k’o to labεn na. Sɔrɔdasiw sera k’u ka mɔbili 4 tiɲε, ka mɔgɔ caman fana daji u la.
Kunun utikalo tile 29 san 2023, sɔrɔdasiw ka jateminε dɔ senfε, u ye kojugubakεlaw ka mɔbiliw ye jiritu dɔ kɔnɔ km12 Anefisi dafε nεgε kanɲε 8 waati la, k’u bon pankurun fε. U tun b’a la ka labεn tigε, ka dan kari sigidalamɔgɔw ani Mali sɔrɔdasiw la.
Kunnafoniw y’a jira, ko km14 ɲɔgɔnna ka surunya Ɲafunke la kεɲεkayanfan fε ka digi kɔrɔn kan, Tumutu mara la, sɔrɔdasiw ye kojugukεla lakodɔnnenba Adu Jalo sɔrɔ k’o bɔ baara la nεgε kanɲε 9 tεmεnnen ni sanga 45 ye. O tun ye mɔgɔ ye, min tun b’a la ka ɲinin kosεbε ; sabula garadiw dagayɔrɔ min bε Tumutu, a dɔnna k’a sen tun b’o bonni na ni mugu jugu ye utikalo tile 18 san 2023. A kεra muguci dan bεε ye a ni sɔrɔdasiw cε kungo kɔnɔ k’olu to k’a gεn. Nka u ye se sɔrɔ a kan. Marifa PM kelen, arajo kelen ani kisε caman sɔrɔ a kɔ.
An bε don min na, sigidalamɔgɔw haminen don u ka basigiko la MINUSIMA taatɔ in na ka bɔ Mali kɔnɔ. Tiɲε don MINUSIMA san tan ye nin ye Mali kɔnɔ ; nka a jɔyɔrɔba ma ye kojugubakε kεlεli la. Mali sɔrɔdasiw ni kojugubakεlaw ka kari ɲɔgɔn na sɔrɔdasiw dagayɔrɔw latεmεnni hukumu kɔnɔ Mali ma, o daminεna Bεri ta de senfε. U dεsεlen ka sɔrɔdasiw kunbεn k’u bali yen lasɔrɔli la, u bε k’a ɲinin k’u kanga olu ni MINUSIMA dagayɔrɔ tɔw lasɔrɔli cε.
Nin dansagowale min filε ka wara jamana kɔrɔnyanfan fε sisan, o bε mɔgɔ bila hakilijakabɔ la Alize bεnkansεbεn bolonɔbilabaaw fan fε, n’a y’a sɔrɔ u ni kojugubakεla ninnu bolo tε ɲɔgɔn bolo. Ka da a kan u n’olu ka ŋaniya juguya de kosɔn, jamana kɔrɔnyanfan bεε binna u ka mara kɔnɔ san 2012 waati la. Nka sisan, u ni sɔrɔdasiw bε ɲɔgɔn na, minnu t’a tu ka laban k’a nεεmu. Olu ko jamana kelenya !
Dɔkala Yusufu JARA
Le processus électoral pour le renouvellement du comité exécutif de la Fédération malienne de football (Femafoot) a franchi une nouvelle étape. La commission électorale de première instance a tenu un point de presse, hier au siège de la Femafoot pour proclamer les résultats de l’examen d.
La Commission d’appel des élections de la Fédération malienne de football (Femafoot) a rendu son verdict, mardi dernier en annulant le procès-verbal de l’élection du bureau de la Ligue de football du District de Bamako, qui s’était tenue le samedi 14 mars dernier..
Le jeudi 12 mars 2026, à 8h30, alors qu’au Mali commençait une journée ordinaire en plein Ramadan, une bataille épique se jouait à Wuhan, en Chine, à plus de douze mille kilomètres de Bamako. L’équipe nationale féminine senior affrontait la République tchèque pour son 2e match du tour.
La candidature de celui qui est donné favori vient d'être la seule validée sur les quatre dossiers préablement enregistrés.
De source fédérale, c’est une vingtaine de joueurs contactés qui ont décliné la convocation pour divers motifs. Le rassemblement démarre demain jeudi en Russie.
La sélection nationale U20 entame sa préparation pour le tournoi qualificatif de l’Union des fédérations ouest-africaines (UFOA-A), prévu du 6 au 25 octobre à Bamako..
