Cakεda minnu ɲεsinnen bε bugunnatigεsεbεn biyometiriki basigilen dilanni, a dili u tigiw ma, olu bε wulikajɔ bεε la, min b’a to u ka se ka sarati dalen labato. Wa a kow taacogo ka ɲi u bolo. Nin kunnafoni in sɔrɔla mara ni desantaralizasɔn minisiri Kolonεli Abudulayi Mayiga ani basigi ni siwiliw lakananni minisiri Zenerali Dawudi Ali Mohamedini ka kunnafonidilajε senfε, min kεra kunun alamisa utikalo tile 31 san 2023.
O kunnafonidilajε kuncεra ni bugunnatigεsεbεn dilannenw lamara mangasa fila lajεli ye. O kun ye ka kunnafoni kolonw nkalontigiya sεmεntiya sεbεn in kunkanko la, min nafa ka bon jamanadenw bolo kosεbε, ni bεε hami y’a sɔrɔli ye.
Sεbεn suguya min don, a tε se ka bayεlεma mɔgɔ wεrε fε ; wa nafa caman b’a la. A bε kalatasεbεn ni kariti Nina jɔyɔrɔ fa. Basigi ni siwiliw lakananni, mara ni desantaralizasɔn ani kɔkankow ni diɲε tɔnbaw cε koɲεnabɔ minisirisow sen b’a dili baaraw la. Jεkulu kεrεnkrεnnen sigilen bε sεbεn in dili kama a tigiw ma ; o bε kε kalata jεkulu kεrεnkεrεnnnen (Aige) ka kɔlɔsili kɔnɔ. O minisiriso saba minnu kofɔra, o bεε tɔgɔlamɔgɔ bε sεbεnw dili jεkulu in kɔnɔ. O jεkulu in bε sεbεnw dicogo kɔlɔsi hali kɔkan.
Zenerali Dawudi Ali Mohamedini ka ɲεfɔli la, kɔkankow ni diɲε tɔnbaw cε koɲεnabɔ minisiriso sendonyɔrɔ ye sεbεnw laseli ye jamanaw na, Maliden hakε ka ca minnu na. Mara ni desantaralizasɔn ani « Aige » sendonkun y’a la kalatasεbεnko fanfεla ye. Mɔgɔ kelenna bugunnatigεlen don a ka bugunnatigεsεbεn biyometiriki basigilen kan.
Bugunnatigεsεbεn biyometiriki basigilen dilanni bε sira ɲuman kan. Don o don u bε sεbεn 69.000 de dilan. A ko bε cakεda min bolo lafiya yεrε t’a ma o bε kalo damadɔ bɔ sisan, a bε baara kε dɔgɔkun tile 7 bεε la. Sabula a ɲininna a fε, a k’a jilaja ka dɔ fara sεbεn dilanta hakε kan tile kɔnɔ, min b’a to laɲinin fɔlɔ ye sεbεn miliyɔn 8 min ye, o ka se ka sabati a tuma na. Dɔwεrε dun ma se ka dilan fɔlɔ sεbεn 5 ni kɔ kɔ. Nka minisiri ka fɔ la, a jigi b’a kan ko a tɔ miliyɔn 3 bεna se ka dilan sεtanburukalo in na.
Sεbεnw dili jεkulu fana b’a kan. Bamakɔ ani jamana marayɔrɔ caman bε k’u ka sεbεnw sɔrɔu. Marayɔrɔ minnu yɔrɔ ka jan Bamakɔ la, olu taw bε ka taa pankurun fε. Mali ka lasigidenso an’a ka kɔnsula bε jamana o jamana kan, bugunnatigεsεbεn biyometiriki basigilen bε ka taa yen.
Nka sεbεndilannaw ni dilijεkulu ka wulikajɔ n’a ta bεε, mɔgɔw yεrε tε ka bɔ kosεbε fɔlɔ, ka taa u ka sεbεnw minε u sɔrɔyɔrɔw la. Misali la, Bamakɔ sεbεn mumε 1.192.090 min bε bolo kɔrɔ, 109.643 dɔrɔn de minεna u tigiw fε. Sεbεnw bε minε yɔrɔ minnu na, o ye kominiw faabaw, arɔndisemanw, polisisow, zandaramasow, ani dugutigi dɔw ka so kinw kɔnɔ ; yɔrɔ yamaruyalen wεrεw b’o la, mara ni desantaralizasɔn minisiri ka fɔ la.
Sεbεn suguya minnu bε kε ka bugunnatigεsεbεn biyometiriki basigilen labɔ, minisiri seginna k’olu dantigε. O bεε bε se ka sεgεsεgε ni tabilεti ye. I dan ye ka kariti NiNA, karadante, bolifεn bolili yamaruyasεbεn, walima pasipɔri jira. Sεbεn in bε minε fu la, wari tε minε mɔgɔ si bolo a diyɔrɔ la. Malidenw bε se ka kala ta n’u ka bugunnatigεsεbεn biyometiriki basigilen ye kalata nataw la.
Dɔkala Yusufu JARA
Le ministre de la Sécurité et de la Protection civile, le Général de division Daoud Aly Mohammedine, a procédé ce lundi 9 février à l’École nationale de Police à la remise officielle d’un lot important de 57 camions de transport de troupes, acquis intégralement sur le budget national..
Inner wheel international est une organisation féminine engagée dans les actions de bienfaisance à l’endroit des plus démunis, particulièrement les femmes et les enfants. Son gouvernorat du District 909 a organisé, jeudi dernier au CICB, sa 24è assemblée générale annuelle sous le thème .
Dans un communiqué datant de ce lundi 12 janvier, l'État-major général des Armées a rendu public le bilan des opérations des Forces armées maliennes (FAMa) menées dimanche dernier sur l'ensemble du territoire national..
Le comité syndical de l'Agence malienne de presse et de publicité (Amap) a suspendu son mot d'ordre de grève du 29 décembre 2025. Une décision prise ce vendredi 9 janvier 2026 après la signature d'un protocole d'accord entre la direction générale de l'Amap et les syndicalistes sous l'égide .
Inauguré le 1er novembre dernier, le Grand musée égyptien est le plus grand musée jamais construit au monde. L’institution rappelle à l'humanité ses racines communes et son avenir commun.
-.
