Femafuti ɲεmɔgɔ sugandili kalata kεra kunun tarata utikalo tile 29 san 2023, Bamakɔ lajεkεsoba CICB la. A ma kε balanako ye, sabula tɔgɔsεbεn kelen dɔrɔn de tun bε yen, kalata bε kε min tɔgɔ la. O ɲεmɔgɔ ye Mamutu Ture « Bawuye » ye. A ye sebaaya sɔrɔ ; kalatala 63 la, 61 y’u kan di a ma k’u ka dannaya da a kan kokura.
Bawuye bε kaso la kabini utialo tile 9 san 2023. O la, a tun tε kεnε kan ; nka o ma kalata bali ka kε a n’a nɔfεmɔgɔw tɔgɔ la. Kulukɔrɔ, Tumutu ani Kidali maraw ka ligiw, ka fara tɔn naani kan (COB, Tumutu Aweniri, Kidali Atari kulɔbu ani Buru Masa, olu kɔni ma ye kεnε kan.
O ligiw ni tɔnw tun bε k’u ka dannaya da Salaha Babi de kan ; nka sɔn ma kε o ka jɔyɔrɔ ɲininsεbεn na. Kayi, Sikaso, Segu, Moti, Gawo ani Bamakɔ ligiw, ka fara AS Bakarijan, Sitadimaliyεn, Ereyali, Ɔnzukereyatεri, AS Polisi, Joliba, Usfas, USC Kita, US Bugunin, AS Badalabugu Bilaki sitari, Afiriki futuboli eliti (AFE), Binga FC, ASIKO, US Buguba, Arisenali talan sipɔri (ATS), Kucala AS Alesɔn, Segu (ASAC), Simbo FC, Gawo Soni, Manden AS Geriye ani Moti AS Sabana, olu de tun bε kεnε kan.
Farikoloɲεnajε jεkulu saba wεrε ka cidenw tun bε yen ; i n’a fɔ (Unafom), farikoloɲεnajε kεnεyako jεkulu ani (AMEFOOT). Fεn min ye kala tali ye, cogoya saba de dajira cidenw na : karitɔn nugujima ye « awɔ » ye, karitɔn bilenman ye « ayi » ye, karitɔn bulaman ye sɔminε ye. Ligi fεn o fεn kofɔlen don, o bεε ka ciden saba-saba ye kala ta.
Kulɔbu minnu bε sigidama 1 ni 2 la olu ka mɔgɔ fila-fila dara u kan kalata la k’a laban ni farikoloɲεnajε kunkan jεkulu saba in ka mɔgɔ kelen-kelen ye. Lakananbaaw tun ka ca yɔrɔ la kosεbε ka basigi sabati ; o de la mankan ma kε. Nka sanni kalata ka daminε, FIFA ka ciden Ogusitεn Sεngɔri, « CAF » ɲεmɔgɔba dankan fɔlɔ ni Sεnεgali ntolantan tɔnba ɲεmɔgɔ fana don Ɛlihaji Wɔki Jɔpu, Afiriki tilebinyanfan tɔgɔ la, FIFA biro min bε Dakaro, Sεnεgali, o ɲεmɔgɔba Harasi ani FIFA marako ɲεmɔgɔ Madamu Sara Mukuna, tɔn minnu bε « CAF » kɔnɔ olu ka ɲεmɔgɔ Zanzaki Jεni, olu jirala jama na.
Kalata in lajε daminε an’a datuguli ɲεmɔgɔya tun bε Mali farikoloɲεnajε n’a farifoni ɲεmɔgɔba Abudulu Azizi Mayiga bolo. Bulonba ɲεmɔgɔba dankan 6nan Hamidu Tarawele ani komite olεnpiki ka ciden Abudulayi Kulubali tun bε yen. Femafuti ɲεmɔgɔjεkulu bεna lajε fɔlɔ min kε, o ɲεsinnen b’u ka biro sigili ma. U mana bεn mɔgɔ min kan ɲεmɔgɔ dankanya la, o tigi de bε Mamutu Ture « Bawuye » jɔyɔrɔ fa fɔlɔ.
Dɔkala Yusufu JARA
Après le match nul 0-0 de la première journée sur le terrain de l'Espérance Tunis, les Blancs de Bamako reçoivent Simba SC de Tanzanie, dimanche au stade du 26 Mars avec un seul objectif : engranger les trois points du match.
Les Rouges rendent visite au FC San Pedro, une semaine après leur défaite sur le fil (1-0) à domicile face aux Marocains de l'Olympique club de Safi.
La Coupe du monde U17 s’est achevée, hier au Qatar avec le sacre du Portugal qui s’est imposé 1-0 en finale face à l’Autriche. L’unique but de la partie a été marqué à la 32è minute par Anisio Cabral qui permet ainsi à son pays de remporter son premier titre mondial, cinq mois aprè.
Quatre judokas porteront les couleurs du Mali à l’édition 2025 d’African Open qui a débuté hier à Abidjan, en Côte d’Ivoire. Cette année, le grand rendez-vous est couplé à la Coupe d’Afrique des cadets et des juniors..
La Confédération africaine de football (CAF) a rendu publique, mardi dernier, la liste des arbitres sélectionnés pour officier lors de la Coupe d’Afrique des nations (CAN 2025), qui se tiendra au Maroc, du 21 décembre 2025 au 18 janvier 2026. Deux Maliens ont été retenus par l’instance di.
Qui de l’Autriche ou du Portugal sera sacré champion du monde cet après-midi au Qatar ? Les paris sont ouverts et bien malin celui qui pourra trouver le nom du pays qui rempotera l’édition 2025 de la Coupe du monde U17..
